El bistechu

UNIDA cree qu’esiste neglixencia por parte de la constructora nel valtamientu y pidirá la paralización de les obres hasta que se determine una resolución.

La Fiscalía de Medioambiente informó güei al conceyu corveranu d’UNIDÁ de l’apertura de dilixencies d’Investigación con el númberu 1/08 contra la empresa Viviendas de Corvera S.L. pol valtamientu d’una encina nel solar de la Casona de los Py en Les Vegues.

UNIDÁ denunció a mediaos de xunetu de 2007 la situación na que s’ atopaba la encina, protexía nel Catálogo de especies amenazadas del PPAA, pola inminente actuación urbanística na zona. Nesi mesmu solar asítiase un inmueble susceptible de proteición.

Nun pasare un mes cuando, nel trscursu la mañana del 6 de Setiembre de 2007, operarios de la empresa Viviendas de Corvera S.L. procedieron al valtamientu de la encina protexía, a primera hora, sin contar con nengún tipu de permisu municipal.

UNIDÁ esperaba del Ayuntamientu de Corvera qu’actuara en consecuencia, pero la ruina reaición d’ésti –namás un simplayu trámite alministrativu- empobinó a l’agrupación nacionalista a remitir la pertinente denuncia a la Fiscalía de Medioambiente pela vía penal.

A la vista de lo asocedío, la nomada Fiscalía abre dilixencies d’ investigación pa esclariar los fechos.

UNIDA esixirá al Ayuntamientu de Corvera que se tengan en cuenta estes dilixencies, y se paralice l’actuación urbanística na zona hasta que termine la investigación pela parte de la Fiscalía, dao qu’el valtamientu de la encina provocó que la promotora de les obres pueda edificar nun llugar onde esistía un elementu protexíu. Y , dependiendo de la resolución final, puede obligase a los responsables la reconstrucción y/o subsanación del elementu oxetu de denuncia.