El bistechu

La pasada selmana, l’ Ayuntamientu de Corvera dio anuncia d’una riestra de midíes que van meyorar la seguridá vial nel conceyu. Pa UNIDÁ esti fechu ye importante y por ello camienten qu’estes midíes tienen qu’ abarcar a tolos coleutivos qu’actúen na carretera, n’especial especial a los motoristes y cicloturistes.

Pa ello, dende l’agrupación política propónense una serie de midíes, munches d’elles sin coste dalu pa l’Administración, y que son frutu de la voluntá de meyorar la seguridá vial del conceyu. Ente les propuestes destaquen: la creación de places d’aparcamientu pa motocicletes y bicicletas, inesistentes en Corvera, que puen ayudar a amenorgar la falta d’aparcamientos en zones como Les Vegues/Las Vegas; la modificación de quitamiedos o la ubicación de nuevos pasos de peatones, minimizando l’usu de la pintura como vien faciéndose n’Avilés.

UNIDÁ quier que con estes midíes s’algame una meyora sustancial de la seguridá vial nel conceyu.

Dalgunes de les midíes propuestes son:

1. Modificación de los actuales quitamiendos, incorporando-yos na parte baxa una doble bionda pa evitar muertes y mutilaciones. Hai que recordar que la problemática de los mesmos mata y mutila non solo a motoristes, sinón a ciclistes, porqu’un impautu a 29km/h (según estudios contrastaos internacionalmente), basta p’amputar miembros y matar nel impautu. Bien de persones muerren nel Estáu Español cada añu, ensin contar con ciclistes que tamién tienen esti problema.
2. Desaniciu de los quitamiedos de los sitios nos que nun son necesarios, o seya, onde, por exemplu, hai salides a un prao que puede ocasionar frayadures, pero non la muerte al chocar col guardarrail. Ye decir, que solo tean los necesarios.
3. Pintura antiesguliante de marques viales y pasos de cebra, y sobro tapes d’alcantariella...etc. Actualmente, cuando llueve son pistes de patinaxe, tanto pa motos/bicis, como pa peatones. Otra solución ye utilizar los pasos de peatones d’Avilés, minimizando d’esti mou l’usu de la pintura, anque esta solución nun ye la meyor. La ideal sedría una combinación de les dos.
4. Creación de places pa motos/bicicletes. Places d’aparcamientu pa motos / bicis inesistentes en Corvera, que xunto cola insolidaridá de munchos conductores que te tiren la moto o que nun tienen cuidao si aparques en zona de coches, obliga a aparcar nes aceres. Amás, el sofitu al usu de vehiculos de dos ruedes, con una riestra de midíes afayadices, podría aliviar el caóticu estáu del aparcamientu en delles zones de Corvera, especialmente en Las Vegas. Estes midíes tán siendo aplicaes n’Uviéu, Xixón y Avilés.
5. Revisión de la señalización vertical. Munches vegaes les mesmes señales torguen la visión nidia de si s’acerca un vehículu al qu’hai que ceder el pasu; amás hai señales tan metíes dientro la vía que, énte cualisquier caída, actúen como un guardarrail matando.
6. Control esaustivu de les obres del conceyu. Nun permitir que les empreses que faigan obres nel conceyu puedan dexar les carreteres enllenes de grava y llamuerga, y n’especial en zones como glorietes, cruciamientos, col consiguiente peligru d’accidentes pa tolos vehículos de la carretera y mala imaxe. A día de güei ta consintiéndose.
7. Nes bandes sonores antivelocidá, usar una capa de pintura antiesguliante, o dexar un pequeñu espaciu pal pasu de les motos, dao que con agua son trampes mortales.

La agrupación política Unidá presentó un escrito en el Registro municipal proponiendo una serie de medidas con el fin de mejorar la seguridad vial como la modificación de los actuales quitamiedos, minimizar la pintura en los pasos de peatones y la creación de plazas de estacionamiento para motos y bicicletas.info.