El bistechu

La coalición asturiana camiéntase que los partíos estatales utilicen Asturies como “laboratoriu pa los sos esperimentos”

L’agrupación política asturiana UNIDÁ fixo una caravana de coches per tol conceyu de Corvera na mañana de güei. La iniciativa contó cola presencia de la candidata al Congresu de los Diputaos por UNIDÁ, Laly García.

La salida fíxose en Cancienes a les 11:00 hores de la mañana y trescurrió pelos llugares del conceyu, acabando finalmente na Plaza de les cuatro estaciones, en Les Vegues. A lo llargo del percorríu repartiérense dipticos informativos de la coalición política na que s’informaba de les propuestes d’UNIDÁ pa estes elecciones estatales.

Pa Laly García, “esta ye una forma de facese notar nel panorama políticu ente la población del conceyu, porque’l desequilibriu políticu qu’exercen los dos grandes partíos estatales faen difícil que’l programa políticu d’una coalición que quier defender los intereses de los asturianos y asturianes nel Congresu y Senáu como ye’l casu de la coalición nacionalista tenga que se facer con actividaes que llamen l’atención de los ciudadanos y los alloñen del clima bipartidista que nos ufierten los mass media”.

D’igual miente Xicu Mata, coordinador d’UNIDÁ nel conceyu destaco que “UNIDÁ representa la opción real de defensa de los intereses asturianos, pelo contrario los partÍos estatales son simples “sucursales” qu’utilicen Asturies como laboratoriu pa los esperimentos, porque d’otra manera nun ye a entendese como’l PSOE y IU deciden sofitar una manifestación contra una regasificadora en Vinarós, Castellón y defenden la regasificadora de Xixón o como en Morata de Tajuña PSOE y PP tránquense na Casa Conceyu pa que nun s’asitie una central de ciclos combinaos y en Corvera sofítenla poniendo la salú de los ciudadanos en grave riesgu”.